[الدرس الاول ] شرح (جوجل ) الجزء الاول

السلام عليكم ورحمة الله وبركاته
مرحبا بكم اعضاء وزوار منتدى العدوة اليوم
باذن الله هنشرح النهارده الموقع الشهير
Google
فوجئت من يومين احد الاشخاص مدخل نت جديد فقالى انه عاوز شوية برامج النت
وخصوصا برنامج جوجل ...!! ففهمته ان ده موقع مش برنامج .


فالى هنشرحه ده مهم جدا للمبتدئين مع الانترنت
تابع معانا

عشان تدخل على جوجل دوس على اسم الموقع الى تحت ده ويستحسن انك تنسخه وتفتح صفحه نت جديده وتلصقه او تكتبه فيها
www.google.com

المهم الصفحه الرئيسية لجوجل بتفتح بالشكل ده


1- زى ما موضح تكتب الكلمة الى انتا عاوز تبحث عنها سواء اخبار العاب اسم لعبه مثلا اسم نشيد اسم كتاب وهكذا ....
2- بعد ماتكتب الكلمة الى انتا عاوز تبحث عنها ( بالفلاحى تدور عليها ) بتضغط على زرار بحث جوجل زى ما فى الصورة وبيبدأ يظهرلك نتائج البحث تختار بقى وتقلب براحتك

3- دى خدمات موقع جوجل الاخرى غير البحث فهو يقدم العديد من الخددمات والمميزات سنعرفها بالتفصيل باذن الله
4- ده مكان التسجيل لو عاوز تسجل فى موقع جوجل وتعمل حساب وهنعرف نعمل حساب الزاى وايه فوائده فى الدروس القادمه
5- دى روابط اعلانيه مش وقتها خالص بس هنشرحها قدام

-------------------------------------------------------

ننتقل لشرح الخدمة الاولى من خدمات موقع جوجل
وهى خدمة ( البحث عن الصور )
ان جوجل يمكنه البحث عن اى صورة بمجرد مانت تقوله وصف الصورة هو بيدورلك عليها
شوف الصور

تكتب اسم او وصف للصورة الى انت عاوز تبحث عنها زى مثلا طفل او سماء او عشب او خلفيات او صور رياضه او..او...الخ وانا اخترت ابحث عن طفله جميله شوف الصور

بعد كده بيظهرلك نتايج البحث بقى عدة صور مختلفه يعنى انا بعد مابحثت عن صورة طفلة جميله لاقيت طفلات كتير وعاوز اختار واحده منهم
يبقى بضغط عليها شووووف ...



بعد كده بتظهر شاشة تانيه تبع جوجل برضوا بيجيب بعض المعلومات عن الصورة


1- ده اسم الموقع الى جوجل جابلك منه الصورة دى
2- احيانا الصورة بتبقى طبيرة فبيعرضهالك مصغره مش بالحجم الاصلى يعنى فبيقولك هنا هل الصورة الكامله نفس الحجم الى ظاهرلك دلوقتى ولا اكبر
ولو اكبر بتدوس على صورة بالحجم الكامل دى وبتظهرلك الصورة بالحجم الاصلى
3- دى ابعاد الصورة العرض والارتفاع يعنى
4- لان فى صور بفلوس مش مجانية ومش ينفع تاخدها كده بس طبعا معظمها مش بيظهرلك فى جوجل الا وعليه علامه اما الصورة دى نضيفه
وفى صور اعضاء موقع معين هما الى مصورينها ويمكن مش عاوزين حد يعدل فيها فبيحفظوا الحقوق

وشوف الصورة ظهرت بعد مانا ضغط على (صورة بالحجم الكامل ) رقم 2 فى الصورة الى فاتت ظهرت كده




وبكده انتهينا من جوجل صور

ننتقل لخدمه تانيه
وهى خدمة ( الاخبار )
من الخدمات الى بيقدمها جوجل خدمة الاخبار


1- لو عاوز تبحث عن خبر وتتأكد من صحته اكتبه وابحث عنه فى الخانه دى
2- تختار نوع الاخبار الى انت عاوزها يعنى عاوز اخبار الرياضه ولا الحوادث ولا .... الخ
3- بعد ما تلاقى الخبر الى انت عاوزه او عجبك خبر اضغط عليها عشان تقدر تقراه كامل

ننتقل لخدمه اخرى وهى خدمة ( الترجمة )
بمكن عبر هذه الخدمه ترجمة الكلمات والقطع الكامله بكل سهولة فقط اختر اللغه التى تريد ان تترجم ليها واكتب النص واضغط ترجم شوف
...
احنا كنا فى الاخبار دلوقتى هنضغط على ترجمه عشان نروح للترجمة


بعد كده بتفتح صفحه الترجمه
والشرح كما بالصورة



وبكده انتهينا من شرح الترجمة
وننتقل لخدمه اخرى ومش تزهق خدمات جوجل كتير

خدمة (اجابات )




ماهى خدمة اجابات ؟ ده موقع زى المنتدى بتاعنا ده بس خاص بالاسئله والاجابة
يعنى كل الى بيعملوه واحد يحط سؤال والباقى يجاوبوه الى عارف منهم اى سؤال بقى فى اى حاجه
وانت لو عاوز تشترك وتسأل الناس سؤال تقدر بكل سهولة والناس هتجاوب عليك كتير وممكن تدخل تجاوب على اسئلة ناس تانيه
ومش هنتعمق فيها عشان مش فى ناس بتهتم كتير بيها

انتهى الجزء الاول من شرح جوجل

والجزء التانى هنكمله باذن الله قريب واى استفسار اكتبه فى الرد
فى رعاية الله